Heurtel, lesionatuta
Valentzia, aurkari gogorra Baskonia ahul batentzat
Erredakzioa
Thomas Heurtelen baja konfirmatuta, lesioez betetako Laboral Kutxak saio erabakigarri bat du sasioan datorren Valentziaren kontra.
Heurtel, Armani Milanen kontrako partidan. Argazkia: EFE.
Laboral Kutxak Valentziaren kontra jokatuko du Malagako Errege Koparen lehenengo partida. Baskonistak ez dira sasoi onean heldu lehiaketara, sailkatzeko sufritu dutelako eta azken orduko lesioak agertu zaizkielako.
Thomas Heurtelek, azkenean, ezin izango du lehiaketan jokatu. Frantziako antolatzaileak orkatila bihurritu zuen atzoko entrenamenduan, eta hamar egunez ezin izango du jokatu. Ustekabeko garrantzitsuaren ondorioz, Walter Hodge sartu du taldean Scariolok.
Adam Hangak, gainera, ezin izan du azken bi neurketetan parte hartu, eta oraindik zalantzatan dago Errege Koparako, Malagara taldearekin joan den arren.
Velimir Perasovicek zuzendutako taldea, bere aldetik, momentu onean heldu da Malagara. Bi taldeak lehiaketa honetan aurrez aurre arituko diren bosgarren aldia da. Hiru aldiz irabazio dio Baskoniak. Valentziaren garaipen bakarrak tituluarekin bukatu zuen, 1998an.