100-71, Buesa Arenan
Laboral Kutxak FIATC Joventut taldea jipoitu du
Erredakzioa
Baskonia irabaztera atera da partida hasi bezain pronto eta aise lortu dute helburua. Lamar Odom, minduta, ez da taldekideekin egon.
Baskoniaren partida bikaina. Argazkia: EFE
Laboral Kutxa Baskoniak aste polita itxi du gaur. Euroligan, Grezian, Panathinaikosen kontra ezusteko garaipena eskuratu zuten ostiralean eta Endesa Ligan uste baino errazago gainditu zuten FIATC Joventut taldea (100-71).
Lehen laurdenean erdi erabakita utzi zuen neurketa Baskoniak (24-15), atsedenaldirako aldea 18 puntukoa zen (50-32). Bigarren zatian abantaila mantentzea besterik ez zuten egin gasteiztarrek denboraldiko hamaikagarrena garaipena erdiesteko.
Hurrengo neurketa Euroligan jokatuko dute, ostegunean, Buesa Arenan, Milango Armaniren kontra.
Fitxa Teknikoa:
100 - Laboral Kutxa (24+28+16+32): Heurtel (9), Jelinek (4), San Emeterio (13), Mainoldi (10), Pleiss (16) -hasierako bostekoa-, Poeta (6), Hanga (9), Nocioni (10), Causeur (16), Diop (2), Van Oostrum (5).
71 - FIATC Joventut (15+17+16+23): Cochran (2), Ventura (5) Kirksay (3), Savane (12), Shurna (13) -hasierako bostekoa-, Joseph (8), Vives (1), Miralles (6), Barrera (4), Llovet (17).