Endesa Liga
Laboral Kutxak zazpigarren postuari eutsi nahi dio Murtzian
Erredakzioa
Gasteiztarrek 13 garaipen lortu dituzte 25 partidetan, eta ezin dute hutsik egin sailkapenean atzera geratu nahi ez badute. Partida zuzenean emango dute ETB1ek eta eitb.com-ek.
Laboral Kutxak ezin du hutsik egin Murtzian. Efe.
Laboral Kutxak UCAM Murtziaren etxean jokatuko du igande honetan (zuzenean, 12:15etatik aurrera, ETB1en eta eitb.com-en), beste garaipen bat lortu eta sailkapeneko zazpigarren postuari eusteko helburuarekin.
Gasteiztarrek Unicajaren aurka emandako irudi kaskarra ahaztarazi nahi dute (83-64). Porrot haren ondorioz, Joventutekin eta Cajasolekin ari dira orain borrokan, sailkapeneko zazpigarren postuagatik.
Gasteiztarrek 13 garaipen lortu dituzte 25 partidetan, eta ezin dute hutsik egin sailkapenean atzera geratu nahi ez badute.
Gasteiztarrek moral handiarekin ekingo diote Murtziaren aurkako partidari osteguneko Euroligako partidan Fenerbahceri jipoia eman ostean. Hala ere, Murtziakoa neurketa zailagoa izango da.
Baskoniak neurria hartuta dio UCAM Murtziari: Ligan jokatutako azken hamar partidetan garaile atera dira. 2007ko abenduan galdu zuten azken aldiz Murtziaren etxean.