Seigarren postuan fase erregularrean, historian bigarrenez

Laboral Kutxak seigarren postuan bukatu du Endesa Ligako fase erregularra, bere historian bigarrenez. 1995-1996 denboraldian ezarri zuen ACBk fase erregularreko eta playoffetako sistema, eta geroztik ia postu guztietan sailkatu da Gasteizko taldea.

Seigarrena birritan lortu du Baskoniak, 2002-2003.ean estreinakoz. Urte horretan Unicaja izan zuen aurkari final-laurdeneran, eta ezin izan zuen titulurako lehian aurrera egin (3-2).

1996. urtetik gehien errepikatu duen postua bigarrena izan da. Lau aldiz ekin dio Baskoniak playofari fase erregularreko bigarren postutik.

Oraingoan FC Bartzelonarekin neurtuko ditu indarrak Baskoniak final-laurdenetan.