Hurrengo denboraldirako
Aurreakordioa lortu du Baskoniak Doron Perkinsekin
Erredakzioa
Estatubatuarrak beteranotasuna eta sendotasuna emango dio Laboral Kutxaren jokoari.
Doron Perkinsen artxiboko irudia. Argazkia: EITB
Laboral Kutxak aurreakordioa lortu du Doron Perkins jokalariarekin hurrengo denboraldirako. Estatubatuarrak beteranotasuna eta sendotasuna emango dio Baskoniaren jokoari.
Joko-antolatzaileak 31 urte ditu, eta 1,91 metroko altuera. Esperientzia handiko jokalaria da Euroligan, eta iaz Eurokopa jokatu zuen Turkiako Besiktasekin.
Bere ibilbidea Santa Clarako Unibertsitatean hasi zuen, eta ondoren Europara egin zuen salto. Maccabi Tel Aviven eta Olinpiakosen aritutakoa da.