Baskoniak galdu egin du (93-77) Kanaria Handiaren aurka

Argi eta garbi galdu du Baskoniak Kanaria Handiaren aurka (93-77), Kanarietako taldearen lan kolektiboari esker. 10 puntu edo gehiago egin dituzte bost jokalarik. Baskoniak bi garaipen lortu ditu orain arte jokatu diren sei jardunaldietan.

Heurtel eta Iverson izan dira Marco Crespiren taldean onenak, eta Newley eta Kendall izan dira Kanaria Handiko saskiratzailerik onenak, Endesa Ligan irabazi duten bigarren partidan.

Bi taldeek irabazi beharrarekin hasi dute partida, eta oso joko irregularra egin dute lehen minutuetan. Crespik Vujacic eta San Emeterio atera ditu, Causer eta Bertansen abilezia falta konpontzeko asmoz. Ondo atera zaio, hasierako lehortea apurtu baitute.

Bigarren zatian, Baez eta Kuricek Herbalife berpiztu dute, eta San Emeteriok eta Heurtelek Baskonia hurbildu dute gero, hirugarren laurdenaren hasiera mugituan (49-43). Hortik aurrera, neurketa errazagoa izan da Kanaria Handiarentzat (81-64, bost minuturen faltan), eta Baskonia saiatu egin da, baina Kendallek eta Paulik horien Kanariako taldearen garaipena sendotu dute.

FITXA TEKNIKOA

Kanaria Handia: Bellas (15), Kuric (5), Newley (18), Baez (16) eta Tavares (2) –hasierako boskotea–, Urtasun (7), Paulí (3), Kendall (17), O'Leary (-) eta Oliver (10).

Laboral Kutxa: Heurtel (14), Causeur (3), Bertans (7), Shengelia (13) eta Iverson (13) –hasierako boskotea–, San Emeterio (3), Perkins (-), Vujacic (7), Tillie (5) eta Hamilton (12).

Partzialak: 25-17, 18-19, 23-20 eta 27-21.