Galatasaray gainditu du
Laboral Kutxa, Top 16tik gertuago (82-89)
Erredakzioa
San Emeterio (25 puntu) izan da garaipenaren gakoetako bat. Norgehiagoka, parekatua eta zirraragarria.
Your browser doesn’t support HTML5 video
Laboral Kutxak garrantzi handiko garaipena eskuratu du Galatasarayren aurka 82-89, Euroligako zortzigarren jardunaldiko neurketan. Europako txapelketan, etxetik kanpo lortzen duten aurrena da gasteiztarrentzat. Horri esker, Top 16tik gertuago kokatu dira.
San Emeterio (25 puntu) izan da garaipenaren gakoetako bat. Heurtelek egindako lana ere azpimarratzekoa da, eta neurketaren azken bi minutuetan Doron Perkins izan da erabakigarria. Norgehiagoka, parekatua eta zirraragarria.
Azkenean, aulkitik ikusi du partida Mike James fitxaketa berriak.
Fitxa teknikoa:
82 - Galatasaray (19+19+27+17): Arroyo (22), Guler (14), Erceg (17), Aradori, Vougioukas (5) -hasierako boskotea-, Pocius (7), Young, Arslan (6), Gonlum (11).
89 - Laboral Kutxa (19+20+28+22): Heurtel (12), Causeur (4), Bertans (11), Shengelia (4), Iverson (6) -hasierako boskotea-, Perkins (9), San Emeterio (25), Vujacic (4), Tillie (11), Begic (3).