Bartzelonaren aurka
Endesa Ligako harmailarik jendetsuena lortu zuen Buesa Arenak
ERREDAKZIOA
Gasteiztarrek aurtengo denboraldiko marka guztiak hautsi dituzte Bartzelonaren aurkakoan, 11.246 ikuslerekin. Lehen 18 jardunalditan jokatutako 162 partidetan, ez baita horrelakorik lortu.
Laboral Kutxa-Bartzelona. Argazkia: EFE
Igandean, Laboral Kutxak Bartzelonaren aurka jokatutako neurketan, 11.246 zale bildu ziren Gasteizko Buesa Arenako harmailetan, eta hortaz, aurtengo denboraldiko sarrerarik jendetsuena lortu zuten.
Gasteiztarrek aurtengo denboraldiko marka guztiak hautsi dituzte. Alegia, fase erregularreko lehen 18 jardunalditan jokatutako 162 partidetan, ez baita horrelakorik lortu.
Baskoniak Bartzelonaren aurka aurkeztu zuen garaipena (103-94) ikustera hurbildu ziren 11.246 jarraitzaileek, orain arte errekorra zuen Unicaja eta Real Madrilen aurkako partidan bildu ziren 10.594 zaleen zenbatekoa, nabarmen gainditu zuten.
Buesa Arenak beraz, inoizko aurpegirik onena erakutsi zuen, duela bi urte berriztatutako zelaia ia betetzen. Harmailek 15.500 ikuslerentzako tokia baitu gordea.