Berritze klausula
Laboral Kutxak kontratua luzatu dio Mike Jamesi
AGENTZIAK | ERREDAKZIOA
Lortutako akordioari esker, joko-antolatzaileak Gasteizen jokatuko du 2015-2016 denboraldian.
Laboral Kutxak kontratua luzatu dio Mike Jamesi eta jokalariak Gasteizen jokatuko du 2015-2016 denboraldian. Portalden jaiotako joko-antolatzailea abenduan iritsi zen Baskoniara eta Thomas Heurtelen lekua hartu zuen.
Endesa Ligan 27 neurketa jokatu ditu eta batezbesteko 12.9 puntu, 2.9 asistentzia eta 2.3 errebote egin ditu. Euroligan, bestalde, 16 partida jokatu ditu eta zenbakiak honakoak dira: 11.1 puntu, 1.9 asistentzia eta 2.4 errebote.