baieztatuta
Buesa Arenak 2017ko Kopa hartuko du
eitb.eus
Otsailaren 16tik 19ra Gasteizen jokatuko da saskibaloiko Kopako hurrengo edizioa. Horrela baieztatu du gaur ACBk.
Kopa, Buesa Arenan. Argazkia: ACB
Gasteizko Buesa Arena izango da 2017. urteko saskibaloiko Koparen egoitza, otsailaren 16tik 19ra bitartean, ACBk, Arabako Foru Aldundiak, Gasteizko Udalak eta Eusko Jaurlaritzak lorturiko akordioari esker, ACBk prentsa ohar bidez jakinarazi duenez.
Akordioa ostiral honetan aurkeztuko dute Buesa Arenan bertan Ramiro Gonzalez Arabako ahaldun nagusiak, Gorka Urtaran Gasteizko alkateak, Francisco Roca ACBko presidenteak eta Josean Querejeta Saski Baskoniako presidenteak. Modu honetan, 15.504 lagunentzako edukiera duen Buesa Arena pabiloia izango da datorren urteko Koparen egoitza.
Kopa Gasteizen jokatu zen azken aldia 2013. urtea izan zen, eta orduan Bartzelonak irabazi zuen finala Valentziaren aurka (85-69).
Del 16 al 19 de febrero...
— Liga Endesa (@ACBCOM) 20 de octubre de 2016
¡#CopaACB en Vitoria-Gasteiz! pic.twitter.com/4UFw0Qw8ii