Cajasol-Caja Laboral Baskonia
Teletovic: 'Ezinezkoa da irabaztea daukagun guztia ematen ez badugu'
Erredakzioa
Baskoniako kapitainak esan du taldeak burua altxatu behar duela Sevillan garaipena lortu eta ACB Ligako lehen postuan sendo jarraitzeko.
Caja Laboral Baskoniako kapitaina den Mirza Teletovicek esan du "ezinezkoa dela garaipenak lortzea taldeak daukan guztia ematen ez badu". Hori omen da Asseco Prokomen aurkako porrotaren arrazoia. Bosniarrak gaineratu du taldeari intentsitatea falta zaiola momentu askotan.
Prokomen aurkako porrota aztertzerakoan Teletovicek adierazi du taldea oso gaizki ibili zela erasoan eta defentsan intentsitatea falta izan zela. Gainera, taldeak ez omen zion aurre egiten jakin poloniarren joko gogorrari.
Hala eta guztiz, Teletovicek taldekideak animatu nahi izan ditu honakoa gaineratuz: "Burua altxatu behar dugu Sevillan garaipena lortu eta ACB Ligako lehen postuan sendo jarraitzeko. Jokalari berri asko daude eta kosta egiten zaie Baskonia zer den jakitea, klubak zer nahi duen eta zein joko egin nahi dugun kantxan".