Buesa Arenan
Caja Laboral-Blancos de Rueda (77-73): Garaipen estuegia
Erredakzioa
Ivanovicen gizonek, behar baino gehiago sufritu dute Valladolid garaitzeko. Arabarrak sailkapeneko laugarren postuan sendo mantentzen dira garaipen honekin.
Caja Laboralek garaipen garrantzitsua eskuratu du Blancos de Rueda Valladoliden aurka (77-73). Gasteiztarrak gehiago izan dira lehen ztaian, baina atsedenaldiaren ostean moreek sendo jokatu dute eta 73-73koa lortu dute. Jokaldi erabakigarrian, Pau Ribasek lapurketa ederra egin du eta garaipena Baskoniarentzat izan da.
Porfi Fisacen mutilek ondo hasi dute norgehiagoka, Nacho Martinen saskiraketei esker, baina Baskonia fin ibili da hiruko lerrotik markagailuan aurrea hartzeko. Olesonek eta Teletovicek ederki gidatu dituzte gasteiztarrak eta 25-15ko emaitzarekin bukatu da lehen laurdena.
Caja Laboralek erraz agindu di bigarren laurdenean, eta Loganen puntuei esker 41-22 jarri da. Hala ere, Valladoliden erantzuna etorri egin da, defentsan intentsitate gehiago jarriz, eta 0-10eko partziala lortu dute Fisacen mutilek. Atsedenaldira 41-32koarekin joan da partida.
Hirugarren laurdenean Blancos de Ruedak asko estutu du defentsa eta Dumasek ederki gidatu ditu jokalari moreak erasoan. San Emeteriok erantzuna eman nahi izan du, baina gasteiztarrek ezin izan dute Valladoliden erasoa gelditu. Azken laurdenera, 56-55, puntu bakarreko aldearekin joan da Caja Laboral.
Azkenengo laurdenean Ivanovicen gizonek asko sakatu dute erasoan berriz ere eta hiruko garrantzitsuak lortu dituzte. Ribasek ondo gidatu du taldea, intentsitatea ezarriz eta 66-59 goitik jarri dira markagailuan. Hala ere, Valladolideko taldeak norgehiagoka berdintzea lortu du (73-73) Dumasen eta Martinen lan onari esker. Partidako jokaldi erabakiarrian Pau Ribasek baloi lapurketa bikaina egin du eta garaipena Buesa Arenan gelditu da (77-73).
Fitxa teknikoa:
77. Caja Laboral (25+16+15+21): Huertas (14), Oleson (10), San Emeterio (10), Teletovic (13), Barac (3)-hasierako bostekoal-, Ribas (10), Logan (8), Batista (2), Dragicevic (7).
73. Blancos Rueda Valladolid (15+17+23+18): Stanic (5), Garcia (14), Martin (15), Robinson (5), Slaughter (9)-hasierako bostekoa-, Baez (9), Dumas (11), Ruiz (5), Lopez, Esteban.