Igandea 12:30etan
Blancos de Rueda-Caja Laboral: Irabaztea helburu bolada txarra eteteko
ERREDAKZIOA
Valladolideko taldeak sopresa eman nahi dio Baskoniari, bere kantxan indartsu baitabil berdenboraldi hasieran.
Caja Laboral Baskonia. Argazkia: EFE.
Caja Laboralek Pisuergako pabiloia bisitatuko du Blancos de Ruedaren aurka lehiatzeko. Valladolidtarrak indartsu ari dira bere etxean, Lagun Arori irabazi eta Real Madrilen jokoari aurre egin baitzioten.
Gasteiztarrek, bere aldetik, bolada txarrari buelta eman nahi diote CAI Zaragoza eta Valencia Basketen aurka galdu ostean. Dusko Ivanovicen gizonak sailkapenean goranzko bidea hartu nahi dute. Entrenatzaileak asteazkenean Euroligan jokatu ez zuen Reggie Williams berreskuratuko du gastroenteritisetik sendatu ostean. Joey Dorsey zalantza da.
Garaipen bat oso garrrantzitsua izango litzateke Zaragozaren aurka 86-66 galdu eta azken jardunaldian Iradier Arenan Valentziaren kontra 72-82 galdu ostean.
Iaz, porrot galanta jaso zuten Dusko Ivanovicen mutilek, Blancos de Rueda 78-64 gailendu zitzaien. Horregatik, Ivanovicek pazientzia eskatu die bere jokalariei neurketako erritmoa kontrolatu eta ahalik eta baloi gutxien galtzeko.