NBAko jokalaria
Ivanovicek begi onez ikusten du Dragic fitxatu izana
Erredakzioa
Reggie Williamsen lesioaren ondorioz jokalari bat fitxatu behar zutela aitortu du Montenegroko entrenatzaileak.
Dusko Ivanovic. Argazkia: EITB
Dusko Ivanovic Caja Laboraleko entrenatzaileak Goran Dragicen fitxaketaren inguruan esan duenez, Esloveniako jokalariak taldeari "intentsitatea eta partida-erritmo altuagoa" ematea espero du. Horrez gain, Montenegroko entrenatzaileak Reggie Williamsen lesioaren ondorioz jokalari bat fitxatu behar zutela adierazi du.
Esloveniako jokalaria bihar aurkeztuko dute eta denboraldia amaitu arteko kontratua izango du, NBAko itxiera patronala bukatu ezean betiere.