Igandean 12:30ean
Derbia handia Lagun Aroren eta Caja Laboralen artekoa
Erredakzioa
Jarraitu derbia zuzenean, Radio Vitorian. Donostiarrek konfiantza handiarekin egiten diote aurre partidari eta Ivanovicen gizonek azken neurketetako hobekuntzari jarraipena eman nahi diote.
Baskonia-Lagun Aro, artxiboko irudia. Argazkia: EFE
Lagun Aro GBCk eta Caja Laboralek indarrak neurtuko dituzte igande honetan 12:30etik aurrera. Euskal derbia oso parekatua izatea espero da.
Donostiarrek garaipena eskuratu dute jokatutako azken hiru partidetan eta azken asteetan hamahiru postu igo dituzte ACBko sailkapen nagusian. Gauzak horrela, konfiantzarekin egingo diote aurre igandeko hitzorduari.
Caja Laboralen helburua, bestalde, fase erregularra aurreneko postuetan bukatzea dela adierazi du Mirza Teletovic jokalariak. GCBren aurka azken partidetako hobekuntzari jarraipena eman nahi diote.