FITXAKETAK
Markus Howard, Baskoniaren fitxaketa berria
AGENTZIAK | EITB Media
Joko-antolatzaile estatubatuarra NBAko Denver Nuggets taldetik dator, eta datozen bi denboraldietarako sinatu du kontratua.
Markus Howard, Baskoniaren jokalari berria. Argazkia: @Baskonia
Baskoniak Markus Howard joko-antolatzailearen fitxaketa iragarri du. Estatubatuarra NBAko Denver Nuggets taldetik dator, eta datozen bi denboraldietarako iritsi da talde gasteiztarrera.
Bere lehen esperientzia izango da Europan, 23 urteekin. Azkeneko bi urteetan 68 partida jokatu ditu NBAn. Bertan, % 42ko eraginkortasuna izan du hiruko jaurtiketetan batez beste.
1,79 metroko jokalaria, Joan Peñarroyaren taldearen joko-antolatzailea izateko iritsi da. Howardena Baskoniaren bigarren fitxaketa da, Daulton Hommesenaren ondoren.