ERREGE KOPA
Hommes eta Howard jokatzeko moduan dira eta Badalonara bidaiatuko dute Kopan parte hartzeko
AGENTZIA | EITB MEDIA
Hegaleko pibota eta jaurtitzailea Badalonan izango dira Errege Kopan parte hartzea zalantzan jartzen zuten molestiak gainditu ostean.
Daulton Hommes. Artxiboko irudia: EFE
Daulton Hommes eta Markus Howard Cazoo Baskoniako jokalariak prest daude Errege Kopako azken faserako, azken egunetan Badalonan jokatuko duten ala ez zalantzan jarri ostean.
Bakh kirol hirian prentsarekin izandako topaketa batean, estatubatuarrek euren molestiei pisua kendu diete, eta argi utzi dute astean zehar ezustekorik gertatzen ez bada ostiralean jokatzeko moduan izango direla, Joan Peñarroyak egoki ikusten badu.
Hegal-pibotak min hartu zuen belaunean orain dela egun batzuk, baina jokatzeko moduan dago jada, baita jaurtitzailea ere: bizkarreko arazoekin erretiratu zen Martin Carpenako kantxatik azken jardunaldian.
Entrenatzaile kataluniarrak taldeko hamahiru kideak izango ditu eskuragarri ostiralean Joventuten aurka txapelketako final laurdenei aurre egiteko. Hortaz, jokalari bat deialditik kanpo utzi beharko du.