Duela 3 aste iritsi zen
Hugo Besson frantziarrak ez du Baskonian jarraituko
Agentziak | EITB Media
Joko-antolatzailea irailaren 8an iritsi zen arabarren denboraldiaurrea indartzeko.
Hugo Besson. Irudia: EITB Media.
Hugo Besson joko-antolatzaile frantziarrak ez du Baskonian jarraituko. Besson irailaren 8an iritsi zen Gasteizera, taldea denboraldiaurrean indartzeko, eta Baskoniak denboraldia prestatzeko jokatu dituen partida guztiak jokatu ditu.
Zuzendaritzak aitortu duenez, aurreko denboraldietan Besson fitxatzen saiatu ziren, eta jokalariak taldean jarraitzeko aukera zabalik utzi zuten, baina aukera hori ez gauzatzea erabaki dute azkenean.
"Klubak eskerrak eman nahi dizkio Hugo Bessoni Gasteizen emandako laguntzagatik eta profesionaltasunagatik, eta zorterik onena opa dio etorkizun profesional zein pertsonalean", adierazi du Baskoniak bere webean.