LEHEN TALDERA
Pavel Savkov eta Ousmane Ndiaye Baskoniako lehen taldean arituko dira
AGENTZIAK | EITB MEDIA
Eskolta errusiarra (22 urte) eta pibot senegaldarra (20 urte) Pablo Lasoren aginduetara egongo dira datorren denboraldian.
Pavel Savkov eta Ousmane Ndiaye. Argazkia: Baskonia
Pavel Savkov eta Ousmane Ndiaye harrobiko jokalariak Pablo Lasoren zuzendaritzapean arituko dira 2024-25 denboraldiari begira.
Denboraldiaurrea hasteko astebeteren faltan, Baskoniak asteazken honetan baieztatu du aipatu bi jokalariak lehen taldekoak izango direla ondorio guztietarako.
Pavel Savkov 22 urteko errusiarra Gasteizko taldearen azpiko mailetara iritsi zen 2018an, eta ordutik Baskoniaren junior, EBA eta Zilarrezko LEB taldeetan aritu da.
Eskolta gisa jarduten duen jokalariak NBAko G-League txapelketan jokatu zuen joan zen denboraldian, Birmingham Squadron taldean (NBAko New Orleans Pelicans taldeko filiala), hain zuzen ere. Dena den, denboraldia Gipuzkoa basketen amaitu zuen.
Bestalde, 20 urteko Ousmane Ndiaye senegaldarra 2022an iritsi zen Gasteizera Baskoniako bigarren taldean jokatzeko, Zilarrezko LEB mailan.
Hurrengo denboraldian Endesa Ligako Zunder Palentzian jokatu zuen utzita, nahiz eta lesio batek garrantzitsua izatea eragotzi zion.