Baskoniako Donta Hall jokalaria, Endesa Ligako 3. jardunaldiko jokalaririk onena

Donta Hall estatubatuarra, taldeak UCAM Murtziaren aurka lortutako garaipenean 45 kredituko balorazioa lortu zuen Baskoniako jokalaria, Endesa Ligako hirugarren jardunaldiko jokalari onena izendatu dute.

Hallek lehen hiru jardunaldietan ikusitako balorazio-markarik onena lortu zuen. Bere 45eko balorazioa Gasteizko klubean 2005etik ikusitako markarik onena da, Luis Scolak 48koa lortu zuenetik.

Estatubatuarrak 27 punturekin bukatu zuen partida (8 puntu bi puntuko jaurtiketetan, horietatik 5 mateak); gainera, 9 errebote, 2 tapoi, asistentzia bat eta errekuperazio bat egin eta 12 falta jaso zituen.