Euroliga
Baskoniak Europan aurreneko garaipena nahi du, Zalgiris Kaunasen aurka
Erredakzioa
Dusko Ivanovicen gizonek Euroligan aurreneko garaipena lortzeko abagune ederra izango dute, Buesa Arenan. Jarraitu neurketa zuzenean, ETB-1en eta eitb.com-en.
Baskonia-Olympiacos. Argazkia: EFE
Caja Laboralek Zalgiris Kaunasen aurka jokatuko du, ostiralean 20:30ean, Buesa Arenan. Arabako taldeak soilik bitan galdu du Gasteizen Kaunaseko taldearen aurka Euroliga. Dusko Ivanovicen mutilek Europako txapelketan morala berreskuratzeko abagune ederra izango dute, Olympiacosen aurka porrot mingarria jaso ostean.
Baskoniak Euroligan hamabi neurketa jokatu du Lituaniako taldearen aurka, eta Zalgiris Kaunasek soilik bi garaipen lortu ditu Buesa Arenan. Jokatutako hamabi norgehiagoketan parekotasuna izugarria izan da, talde bakoitzak sei garaipen eskuratu baititu.
Nemanja Bjelica Caja Laboral taldeko jokalariak Zalgiris Kaunaseko jokalariek urruneko jaurtiketetan duten abilezia eta kontraerasora jokatzeko duten erraztasuna azpimarratu du, partidako atarian.