Euroliga
Caja Laboralek ezin du kale egin Zan Tabaken estreinaldian
Erredakzioa
Zalgiris Kaunasen aurka jokatuko du Baskoniak ostiral honetan Lituanian. Partida, zuzenean eskainiko dute eitb.com-ek eta ETB-1ek, 18:45ean.
Nocioni eta Papanikolau Euroligako Caja Laboral-Olympiacos partidan. Argazkia: EFE
Caja Laboral Baskoniak Zan Tabaken agindupean ekingo dio aro berriari, eta ostiral honetan izango du lehenengo froga garrantzitsua. Lituanian jokatuko du talde gasteiztarrak Zalgiris Kaunasen aurka. Partida, 18:45ean hasiko da, eta zuzenean eskainiko dute eitb.com-ek eta ETB-1ek.
Baskonia multzoko azken sailkatua da, eta ezin du partidarik galdu Top 16ra sailkatu nahi badu. Zail izango du Euroligako hurrengo fasera sailkatzea, ezin baitu partida bat gehiago galdu.
Entrenatzaile berriarekin gauzak hobetuko direla erakutsi nahi du Caja Laboralek. Tabakek ez du Nemanja Bjelica jokatzeko prest edukiko. Zalgiris multzoko liderra da, eta talde sendoa osatu du Joan Plaza entrenatzaile espainiarrak.