Khimki Mosku-Caja Laboral, zuzenean ETB-1 eta eitb.com-en

Euroligako azkenaurreko jardunaldia izango da gaurkoa, eta Caja Laboral taldeak Moskun jokatuko du Khimki talde errusiarraren kontra. Nahiko egoera konplexuan dago Caja Laboral txapelketa kontinentalean eta sailkapen fasearen azkeneko bi partidak irabazi beharko ditu gutxienez, aurrera jarraitzeko aukerak izateko. Xabier de la Fuentek eta Josean Aldalurrek egingo dute partidaren gaineko kontakizuna zuzenean ETB-1 eta eitb.com, 16:30etik aurrera. Bestalde, ETBK Sat kateak Sienako Montepaschi eta Bartzelonako partida eskainiko du 20:45ean zuzenean, Euroligako Top 16 faseko partida.

Horrez gain,  Zarauzko pilota jaialdia eskainiko du ETB-1ek 22:00etik aurrera . Atariko partida, Olazabal- Pascual eta Aritz Lasa- Peñagarikano bikoteek jokatuko dute eta txapelketako partida, Idoate- Laskurain eta Jaunarena- Zubieta bikoteen arteko izango da. Xabier Euzkitze, Josean Tolosa eta Koldo Aldalur komentaristek emango dute partiden berri.