Faborito nagusia
Real Madril indartsua, finalera
Erredakzioa
Pablo Lasoren taldeak CAI Zaragozaren aurkako finalerdiko aurreneko hiru norgehiagokak irabazi ditu, eta Endesa Ligako finalerako txartela lortu du.
CAI Zaragoza-Real Madril. Argazkia: EFE
Pablo Laso arabarraren taldeak 2013ko Endesa Ligako finalerako txartela eskuratu du, CAI Zaragoza 63-77 gaindituta, finalerdietako hirugarren neurketan.
Real Madrilek ez du ezustekorik nahi izan, eta kanporaketa ahalik eta lasterren erabakita utzi du, 3-0ekoarekin. Hala ere, CAI Zaragozak zuriei aurre egin die, eta nahiz eta porrotak soilik ezagutu, jokalariek eta zaleek finalerdiaz asko gozatu dute, denboraldi bikaina egin baitu.
Madrilgo taldearen aurkaria, Bartzelona-Kanaria Handia kanporaketako garailea izango da.
Fitxa teknikoa:
63 - CAI Zaragoza (14+23+13+13): Van Rossom (5), Roll (12), Rudez (8), Aguilar (10) eta Jones (11) -hasierako bostekoa- Llompart (7), Stefansson (5), Golubovic (5), Toppert, Fontet, Marin eta Adrian Garcia.
77 - Real Madril (15+20+18+24): Llull (10), Rudy Fernandez (5), Suarez (2), Mirotic (18) eta Begic (4) -hasierako bostekoa- Slaughter (2), Reyes (7), Hettsheimeir, Rodriguez (3), Carroll (13), Darden (13) eta Draper.