Endesa Liga
GBC-Baskonia derbia, eta Bilbao Basketen bisita CAI Zaragozari
Erredakzioa
Bi partidak zuzenean emango ditugu: euskal derbia, ETB1en eta eitb.eus-en, eta Bilbao Basketen partida, ETB4n eta eitb.eus-en.
Gipuzkoarrek eta gasteiztarrek euskal derbia jokatuko dute. Efe.
Gipuzkoa Basket gauzak ahalik eta zailen jartzen saiatuko da Laboral Kutxaren aurka jokatuko duen derbian. Partida 12:00etan hasiko da eta ETB1ek eta eitb.eus-ek zuzen-zuzenean emango dute. Gipuzkoarrek garaipena nahi dute Endesa ligan jarraitzeko helburuari begira beste pauso bat emateko.
Gasteiztarrak, bestalde, sailkapeneko seigarren postuan dira, aurten lehen aliz, 24 jardunaldi jokatuta. Azken txanpa honetan play offetan sartu nahi dute.
Bilbao Basketi dagokionez, bilbotarrek CAI Zaragozaren etxean jokatuko dute (12:15ean, zuzenean), sailkapeneko laugarren postua sendotzeko xedearekin. Play offetan sartzea ondo bideratuta dute Sito Alonsoren mutilek, Liga amaitzeko 10 jardunaldi falta direnean.
Bizkaitarrek lau partidu jokatuko dituzte etxean eta gainontzeko seiak Miribillatik kanpo. Bost garaipeneko aldea dute Herbalife bederatzigarren sailkatuarekin, eta bien arteko averagea ere alde dute.