Maiatzaren 15etik 17ra
Ikuskizuna eta kilate askotako saskibaloia, Lauko Finalean
Agentziak | Erredakzioa
Real Madril eta Moskuko CSKA dira faborito nagusiak. Partida guztiak zuzenean emango dituzte ETB4n eta eitb.eus-en.
Spanoulis, Laukoo Finaleko izarretako bat. Argazkia: Efe.
Real Madril, CSKA Mosku, Fenerbahce eta Olinpiakos taldeak arituko dira nor baino nor gehiago, Euroligako Lauko Finalean, maiatzaren 15etik 17ra. Gehiengoaren arabera, historiako Lauko Finalik onena izango da aurtengoa.
Real Madril eta CSKA dira favorito nagusiak, eta apustuetan errusiarrak madrildarren aurretik dira, gutxigatik bada ere, eta Real Madrilek etxean jokatzen duen arren. Hori bai, ez litzateke ezusteko handia izango Fenerbahcek edo Olinpiakosek ere finalerako txartela lortzea.
Hori guztia kontuan izanda, Lauko Finalean emozioa, ikuskizuna eta kilate askotako saskibaloia espero dira; Europako saskibaloirik onena, alegia.
Real Madril: azken finaletako porrotak ahaztu nahian
Real Madril, etxeko taldea, da hain zuzen Euroligan titulu gehien lortu duenea. Zortzi guztira, baina gehienak duela urte asko lortutakoak. Azken titulua duela 20 urtekoa da, 1995ekoa.
Madrildarrek azken bi urteetako finalak jokatu eta galdu dituzte, eta laugarren aldiz jokatuko dute finala azken bost urteetan.
Moskuko CSKA: favorito nagusia
Moskuko CSKA kiniela guztietan agertzen da, eta beti faborito gisa. Izarrez betetako taldea da, Europako jokalari onenetarikoak talde errusiarrean jokatzen dute.
CSKA, gainera, aurtengo Euroligan puntu gehien egin dituen taldea da: 87,8 puntu batez beste.
Olinpiakos: Spanoulis ‘killer’aren taldea
Olinpiakos Vassilis Spanoulis baino gehiago da, joko antolatzailea ‘killer’ hutsa eta taldeko motorra den arren.
Greziarrak bederatzigarren aldiz dira Lauko Finalean, eta gailenduz gero laugarren aldiz altxatuko lukete kopa.
Fenerbahce: debutaria
Azkenik, Fenerbahce dago. Turkiarrek debuta egingo dute Lauko Finalean, inoiz ez dute jokatu Euroligako finala jokatu, eta, ondorioz, ez dute inoiz txapelketa irabazi.
Irabaziko balute, Turkiako talde bat lehen aldiz gailenduko litzateke Euroligan.
Egutegia (partida guztiak zuzenean emango dituzte ETB4k eta eitb.eus-ek):
Ostirala, maiatzak 15. Finalerdiak:
Moskuko CSKA - Olinpiakos 18:00etan
Real Madril - Fenerbahce 21:00etan
Igandea, maiatzak 17. Finala:
Finalerdietako galtzaileak (3. eta 4. postua) 17:00etan
Finalerdietako irabazleak (Finala) 20:00etan
00etan