ACB Liga
Cajasol-Caja Laboral: Partida handia Sevillan
A.B.
Erredakzioa
Andaluziarrak bosgarren sailkatuak dira eta bigarren sailkatua den Baskonia izango dute aurkari.
Caja Laboral Baskoniak partida zaila jokatu beharko du igande honetan (12:30ean) Sevillan Cajasolen aurka.
Joan Plazak entrenatzen duen taldea denboraldi bikaina egiten ari da. Andaluziarrak bosgarren daude 16 garaipeneko eta 12 porroteko balantzearekin.
Baskoniak, bestalde, garaipena behar du bigarren postutik gertu jarraitzeko. Real Madrilena da postu hori eta madrildarrek garaipen bateko abantaila dute gasteiztarrekiko.