Erreginaren Kopa
Star Center Uni Ferrol, IDK Gipuzkoaren aurkaria
Erredakzioa
Talde donostiarrak Zaragozan jokatuko den Kopako estreineko partida jokatuko du urtarrilaren 19an, ostiralean, 18:30ean.
IDK Gipuzkoa. Argazkia: EiTB
Astelehen honetan egin da Liga DIAko Erregeinaren Kopako zozketa. Zaragozan jokatuko da Kopa urtarrilaren 19an, 20an eta 21ean. IDK Gipuzkoa izango da euskal ordezkari bakarra eta Star Center-Uni Ferrol taldea izango du aurkari.
"Zalantzarik gabe, aurkari gogorra egokitu zaigu Kopan", adierazi du IDK Gipuzkoak bere webgunean. Neurketa hau irabazten duenak Permuferias Avenidaren aurka jokatuko ditu finalerdiak.
Finala, urtarrilaren 21ean jokatuko da, 12:00etan.
Zozketaren emaitza:
Lehen Kanporaketa (urtarrilak 19, ostirala, 18:30ean): Star Center-Uni Ferrol/IDK Gipuzkoa
Bigarren kanporaketa (urtarrilak 19, ostirala, 20:45ean): Snatt's Femení Sant Adria/Mann-Filter
Finalerdiak (urtarrilak 20, larunbata): Lehen kanporaketako irabazlea vs. Perfumerias Avenida // Bigarren kanporaketako irabazlea vs. Spar CityLift Girona
Finala: Urtarrilaren 21an, igandean, 12:00etan.