Emakumezkoen Endesa Liga
Asteburuan, 9. jardunaldia jokoan
eitb.eus
Aurreko astean atseden izan eta gero Gernika Bizkaiak, IDK Gipuzkoak eta RPK Araskik partida dute larunbatean.
Lointek Gernika Bizkaia
Emakumezkoen Endesa Ligako 9. jardunaldia jokatuko da asteburuan. Hiru euskal taldeak larunbatean arituko dira eta bolada onarekin jarraitzea izango da erronka azken partida hirurek irabazi zutelako.
Gernika Bizkaiak liderra gainditu zuen 8. jardunaldian eta oraingoan etxea jokatuko dute Ensinoren kontra, sailkapeneko zona epelean dagoen taldearen aurka hain zuzen ere.
IDK Gipuzkoak denboraldiko bigarren garaipena erdietsi zuen eta aurrean sailkapenean gipuzkoarrekin berdinduta dagoen Campus Prometerekin neurtuko dituzte indarrak, beraz, putzutik ateratzeko abagune ona.
Eta azkenik, RPK Araski. Arabarrek aurkari gogorrenari egingo diote aurre, Perfumerias Avenida. Salamancan jokatuko dute eta bigarren postuan daude sailkapenean sei garaipen eta bi porrotekin.
Larunbata 23
18:00 Gernika Bizkaia vs Ensino
18:00 IDK Gipuzkoa vs Campus Promete
18:00 Perfumerias Avenida vs RPK Araski
18:15 Bembibre vs Cadi La Seu
21:30 Clarinos Tenerife vs Valentzia Basket
Igandea 24
12:00 Al-Qazeres vs Uni Girona
12:15 Mann-Filter vs Quesos El Pastor