Eurobasket
Espainia-Turkia (57-65): Scarioloren mutilen aurreneko porrota
Erredakzioa
Azkenengo laurdenean soilik bi puntu lortu ditu Espainiako selekzioak eta turkiarrek markagailua iraultzea lortu dute. Pau Gasolek ezin izan du jokatu orkatileko lesioa dela eta.
San Emeterio eta Turkoglu lehian. Argazkia: EFE
Espainiako saskibaloi selekzioak 57-65 galdu du Turkiako selekzioaren aurka. Scarioloren mutilek ziurtatuta izan dute A multzoko lehen postua, baina Eurobasketeko lehen porrota jaso dute aurreneko faseko azken norgehiagokan. Espainiak azken laurdenera arte partida kontrolpean izan du, baina azken laurdenean soilik 2 puntu lortu ditu. Turkiarrek erreakzionatzea lortu dute eta Turkogluren hirukoari esker erabakita utzi dute partida.
Pau Gasolek ezin izan du norgehiagoka jokatu orkatilan bihurritua izan duelako. Hala ere badirudi hurrengo partida jokatzeko prest egongo dela jokalari katalana.