Eurobasket 2022
Brizuela eta Lopez-Arostegui, Eurobasketeko final-laurdenetara
EITB Media
Espainiako selekzioarekin lehiatzen ari diren bi euskal jokalariek final-laurdenetarako txartela lortu zuten Lituania mendean hartuta 102-94) final-zortzirenetan.
Dario Brizuela, euskal jokalaria, Espainiako selekzioarekin Lituaniaren aurka. Argazkia: EFE
Dario Brizuelak eta Xabier Lopez-Arosteguik Eurobasketeko final-laurdenak jokatuko dituzte Espainiako selekzioarekin larunbatean (irailak 10) Lituaniaren aurka garaipena lortu ostean (102-94).
Lehen laurdena parekatua izan da, eta puntu bateko abantaila lortu du Lituaniak (19-20). Bigarren laurdenean lituaniarren nagusitasuna nabarmenagoa izan da, eta bost puntuko errentarekin iritsi dira atsedenaldira (40-45).
Atsedenaldiaren ostean, Espainia ez da gai izan bost puntuko desabantaila murrizteko (63-68), baina azken laurden bikaina jokatuta azken segundoetara aurretik iritsea lortu du (81-83). Hala ere, Lituaniak luzapena behartu du, azken segundoan sartutako saskiratze batekin (83-83).
Luzapenean jaun eta jabe izan da Espainia. Lorenzo Brownek erakustaldia eman du, eta Espainiako selekzioa garaipenera gidatu du. Amaieran, Espainia nagusi 102-94ko emaitzarekin.
Fitxa teknikoa:
102- Espainia (19+21+23+20+19): Brown (28), Jaime Fernández (-), López-Arostegui (4), Pradilla (2), Willy Hernangómez (21) –hasierako bostekoa–, Rudy Fernández (13), Brizuela (5), Alberto Díaz (8), Saiz (-), Garuba (8), Juancho Hernangómez (13) eta Parra (-).
94- Lituania (20+25+23+15+11): Jokubaitis (13), Grigonis (8), Giedraitis (-), Sabonis (15), Valanciunas (5) -cinco inicial-, Brazdeikis (17), Echodas (-), Kuzminskas (18), Lekavicius (15) eta Butkevicius (3).
Epaileak: Yohan Rosso (Frantzia), Ademir Zurapovic (Bosnia-Herzegovina) eta Aleksandar Glisic (Serbia).
Kanporatutakoak: Butkevicius (36. min) eta Brazdeikis (45. min).