FITXAKETA
Kaela Davis, IDK Euskotrenen neguko bigarren fitxaketa
EITB MEDIA
27 urteko estatubatuarrak hegalean jokatzen du eta esperientzia handia du Estatu Batuetan eta Europan.
Kaela Davis. Argazkia: @ibaetabasket
IDK Euskotrenek Kaela Davis fitxatu du, neguko merkatu honetarako iragarri zuen bigarren fitxaketa. Horrela, Donostiako taldean arituko da 27 urte eta 1,88 metroko altuera dituen hegalekoa, Puerto Ricoko Atenienses de Manati taldetik datorrena.
Esperientzia handiarekin, bere institutuko taldean hasi zuen bere karrera, Buford high schoolen, 2012an. Urtebete geroago, Georgia Institute of Technologyn hasi zen unibertsitate-ligan.
Bi urteren ondoren, Hego Carolinako Unibertsitateko taldera aldatu zen. 2017an Dallas Wingsek draftean aukeratu zuen arte, non urtebete eman zuen, Turkian Europako abentura hasi aurretik, Galatasarayrekin fitxatuz 2018ko urtarrilean.
Hegaleko jokalariak Estatu Batuetako egonaldiak Europakoekin txandakatu ditu. Bere azken egonaldiak WNBAko Atlanta Dreams (2020), Israelgo Maccabi Raanna (2020-2021), Tenerifeko Clarinos (2021-2022) eta Galatasaray (2021-2022) izan dira.
Azken taldea, berriz, Puerto Ricoko Atenienses de Manati izan da 17 partidutan, norgehiagokako 18,2 puntu, 5,5 errebote eta 1,8 asistentziako estatistikekin.