Melisa Gretter, Kutxabank Araskiren lehen fitxaketa hurrengo denboraldirako

Kutxabank Araskik Melisa Gretter joko-antolatzaile argentinarraren fitxaketa iragarri du ostiral honetan.

Emakumezkoen Endesa Ligako zortzigarren denboraldirako Araski berriaren lehen fitxaketa eta laugarren pieza da Gretter. Argentinako joko-antolatzailea Estudiantesen izan da azken hiru denboraldietan.

Azken denboraldi honetan, Estudiantesekin, Gretterrek 24 partida jokatu ditu txapelketa nazionalean, 7 puntu, 4,2 errebote, 4,9 asistentzia eta 1,6 lapurretako batez bestekoa lortuz.