Akordioa
FIBA Europe Cupeko partidak eskaintzeko akordioa iragarri dute EITBk eta Surne Bilbao Basketek
EITB MEDIA
Isabel Iturbe Bilbao Basketeko presidenteak eta Joseba Urkiola EITBko Kirol zuzendariak hitzarmenaren berri eman dute goizean eskainitako prentsaurrekoan.
Your browser doesn’t support HTML5 video
Surne Bilbao Basket saskibaloi taldeak eta EITBk Bilboko taldeak FIBA Europe Cupen jokatuko dituen partida guztiak emateko akordioa adostu dutela iragarri dute astearte honetan Isabel Iturbe Bilbao Basketeko presidenteak eta Joseba Urkiola EITBko Kirol zuzendariak.
Bi aldeak ekimenarekin ilusioz beteta daudela azaldu dute, EITB asteazkenetan saskibaloiaren erakusleihoa izango delako. Norgehiagokak, etxekoak zein kanpokoak, ETB4n eta streaming bidez eitb.eus-en ikusi ahal izango dira. Horrez gain, Endesa Ligako eta Europako hitzorduetarako sarrerak ere zozkatuko ditu EITBk.
Asteazken honetan, beltzezko gizonek Caledonia taldea hartuko dute Miribillan, 19:00etatik aurrera.