Berritzea
Iris Mbulitok IDK Euskotrenen jarraituko du beste denboraldi batez
EITB MEDIA
Jokalari kanariarrak Donostian segiko du 2025era arte; beraz, bigarren denboraldia osatuko du taldean, asteazken honetan klubak jakinarazi duenez.
Iris Mbulito, IDK Euskotren taldeko jokalaria. Argazkia: IDK Euskotren
Iris Mbulito IDK Euskotreneko jokalariak Donostian jarraituko du 2025era arte, klubak asteazken honetan baieztatu duenaren arabera. Horrenbestez, kanariarrak bigarren denboraldia osatuko du Gipuzkoako hiriburuan. Sasoi honetan, 6,5 puntu, 3,7 errebote eta asistentzia 1 egin ditu, batez beste, neurketa bakoitzean.
CB Islas Canarias taldean hasi zen jokatzen. 2013tik 2018ra, bere lurraldeko taldean aritu zen, Kanaria Handian, eta Espainiako emakumezkoen ligan debutatu zuen jokalari gazteena izan zen, 14 urte eta 198 egun zituela egin baitzuen.
¿ IRIS SEGUIRÁ SIENDO IDK EUSKOTREN.
— IDK EUSKOTREN (@ibaetabasket) May 29, 2024
La jugadora canaria renueva con el club por una temporada más. Bere bigarren denboraldia osatuko du gurekin. IRIS POWER! ¿¿#IDKEuskotren #Iris2025 pic.twitter.com/puBWhyS4af