Fitxaketa
Kutxabank Araskik Montse Brotons pibota fitxatu du, 2024-25 denboraldirako
EITB MEDIA
Brotons, 25 urtekoa bera, Cadi La Seutik iritsi da Araskira; hiru denboraldi eman ditu bere azken taldean: "Jokalari oso mugikorra da, indar handia jartzen du jokaldi guztietan, eta errebotean lagunduko digu", nabarmendu du Made Urieta Gasteizko taldearen entrenatzaileak.
Montse Brotons Cadi La Seu taldetik heldu da Araskira. Irudia: Kutxabank Araski.
Kutxabank Araskik Montse Brotons pibota fitxatu du, 2024-25 denboraldirako, asteartean Arabako klubak iragarri duenez. Brotons, 25 urtekoa bera, Cadi La Seutik iritsi da Araskira; hiru denboraldi eman ditu bere azken taldean: "Jokalari oso mugikorra da, indar handia jartzen du jokaldi guztietan, eta errebotean lagunduko digu", nabarmendu du Made Urieta Gasteizko taldearen entrenatzaileak.
2023-24 denboraldian, Araskik zehaztu duenez, Montse Brotonsek ez du jokatzerik izan, lesio batengatik. Bere kirol ibilbidean, Siglo XXIean eta, Ameriketako Estatu Batuetan, Oral Roberts Unibertsitatean hazi zen; gerora, Bembibren egin zuen debuta, profesional bezala, eta Cadi La Seuk fitxatu zuen.
"Ligan, badu esperientzia", azpimarratu du Urietak, Araskiko jokalari berria aztergai, "eta Brittany Brewerri lagunduko dio barneko lana egiteko; izan ere, postu hori urtetik urtera gogortzen ari da".