Eurokopa
IDK Euskotrenek fase erregularreko bigarren garaipena nahi du, Errumaniako Sepsiren kontra
EITB MEDIA
Donostiako taldeak errumaniarrei bisita egingo die ostegun honetan. Norgehiagoka ETB4n eta eitb.eus-en egongo da ikusgai, 19:30etik aurrera.
IDK Euskotren
IDK Euskotren lehiara itzuliko da ostegun honetan, Errumaniako Sepsi taldeari Eurocupeko fase erregularreko bigarren partida jokatzeko egingo dion bisitan. EITBk zuzenean emango du hitzordua, Sepsi OSK Arena estadiotik, ETB4n eta eitb.eus-en, streaming bidez, 19:30ean hasita.
Donostiako taldeak ondo ekin zion Europako denboraldiari, joan den astean Gascan Izar Gorria Belgrad mendean hartu zuelako: 70-64. Horrenbestez, joera horri eutsi nahi dio orain. Errumaniako taldeak, berriz, Proteas Voulasen aurrean galdu egin zuen lehen jardunaldian: 77-71.
Azu Muguruzak entrenatzen dituen neskek, aitzitik, ez dute hasiera berbera izan Ligan, lehen bi jardunaldiak galdu baititu: 59-67, Hozono Global Jairisen kontra, eta 70-58, Spar Gran Canariaren aurka.