EUROKOPA
IDK Euskotrenek Europako lidergoa ziurtatu nahi du
EITB MEDIA
Endesa Ligan ez dira fin ari donostiarrak, sailkapeneko azken postuetan baitaude; hala ere, IDK Euskotren liderra da Eurokopako multzoen fasean. Norgehiagoka zuzenean izango da ikusgai, ETB4n eta eitb.eus-en.
IDK Euskotren-Sepsi partida, azaroak 20, 20:00etatik aurrera. Irudia: EITB MEDIA
Asteazken honetan, azaroaren 20an, IDK Euskotrenek Sepsi talde errumaniarraren aurka jokatuko du Gaskan, Eurokopan, multzoko lidergoa matematikoki ziurtatu eta hurrengo fasera pasatzeko asmoz. Partida zuzenean izango da ikusgai, ETB4n eta eitb.eus-en, 20:00etatik aurrera.
IDK Euskotrenek estu eta larri jarraitzen du Endesa Ligan, jaitsiera postuetan baitago, baina Donostiako taldea irudi bikaina ematen ari da Europan. Ez dute aurkaririk izan, dena irabazi dute, eta orain, bi partida geratzen zaizkie (etxean, bi-biak) ibilbidea hutsik egin gabe burutzeko. Bi partida horietako lehena, Errumaniako Ligako bigarren sailkatuaren aurka, Sepsi.
Joaneko partida Azu Muguruzaren jokalarien erakustaldia izan zen (56-62), Transilvania eskualdean. Halvarsson suediarrak 11 puntu lortu zituen, baina Euskal Herriko taldearen jokoa da Eurokopan arrakasta izaten ari dena.