Endesa Liga
Bilbao Basketek eta Baskoniak derbi parekatua jokatuko dute Miribillan
EITB Media
Bilbao Arena izango da igandean (12:30) azken denboraldietako derbi parekatuenaren lekuko. Izan ere, Surne Bilbao Basket eta Baskonia berdinduta daude sailkapeneko behealdean, bederatzi jardunaldiren ostean.
Bilbao Basket vs Baskonia Foto: EFEko artxiboko irudia
Pablo Lasoren mutilak Euroligako jardunaldi bikoitz gogor baten ostean iritsiko dira derbira. Gasteizko taldearen betebehar nagusiak, baina, ACB ligan daude, eta Errege Kopan sartzeko aukeraren bat izaten jarraitu nahi badute, irabazi egin beharko dute.
Jaume Ponsarnauren taldeak, bere aldetik, garaipen bakarra lortu du azken sei partidetan. Horrela, azken denboraldiko derbi parekatuena izango da Miribillakoa. Izan ere, bi taldeak sailkapeneko behealdean daude, bederatzi jardunaldiren ostean.
Baskoniako Tim Luwawu-Cabarrot jokalariak ezingo du jokatu, hanka batean giharretako lesioa baitu, eta Ognjen Jaramaz zalantzan dago. Bilboko taldeak baja bakarra izango du, Xavi Rabasedarena, ezker eskumuturra hautsita baitu.
Baskoniak, bestalde, gertutik zaindu beharko ditu Melvin Pantzar, Bilboko taldearen erritmoa daraman jokalaria, eta Muhammad-Ali Abdur-Rahkmam, "beltzezko gizonen" beste erreferente garrantzitsu bat.