Eurokopa
Charnay-IDK Euskotren partida, gaur, zuzenean, eitb.eus-en eta ETB4n
EITB Media
Gipuzkoako taldeak Frantzian jokatuko du Eurokopako final-hamaseirenetako joaneko partida, asteazken honetan, 20:00etan. Neurketa zuzenean ikusi ahalko duzu ETB4n eta eitb.eus-en.
IDK Euskotren, Eurokopan. Argazkia: EITB Media
IDK Euskotrenek Charnay Basket izango du aurkari abenduaren 11n Frantzian jokatuko duen Eurokopako final-hamaseirenetako (play-off round 1) joaneko partidan. Neurketa zuzenean izango duzu ikusgai ETB4n eta eitb.eus-en, 20:00etan.
Gipuzkoako taldea Endesa Ligako sailkapeneko azken-aurreko postuan dago, eta azken hiru partidak galdu egin ditu. Hori bai, Valentziaren aurka bertan behera garatu zen norgehiagoka jokatzeke du oraindik.
Eurokopan, ordea, IDK Euskotrenek irabazi egin ditu multzoen fasean jokatutako sei partidak. Multzoko lider gisa sailkatu zen final-hamaseirenetara, eta horrexegatik jokatuko du etxean itzulerako neurketa. Beraz, Eurokopako bolada onari jarraipena eman nahi dio Donostiako taldeak, eta Frantzian abantaila hartzea izango du helburu.
Bestalde, Charnay E Multzoko bigarrena izan zen, seitik lau norgehiagoka irabazita. Sopron izan zen multzoko liderra, seitik bost partidatan garaipenak bereganatuta.