Emakumezkoen Endesa Liga
Gernika eta Araski garaipenaren bidera itzuli dira, baina Ardoik eta IDK Euskotrenek galdu egin dute
EITB Media
Lointek Gernikak mendean hartu du Celta (54-67), eta Kutxabank Araskik Gran Canaria (74-67). Aitzitik, Oses Ardoik galdu egin du Gironaren aurka (86-62), eta IDK Euskotrenek Joventuten aurka (56-66).
Araskiko jokalariak garaipena ospatzen Argazkia:@Araski
Lointek Gernika Bizkaia eta Kutxabank Araski garaile atera dira Emakumezkoen Endesa Ligako 20. jardunaldian, eta Oses Construcción Ardoik eta IDK Euskotrenek porrota jaso dute berriro, eta sailkapeneko jaitsiera postuetan dira.
Kutxabak Araskik (jokatzen lehena) garaipen garrantzitsua lortu du Spar Kanaria Handiaren aurka (74-67). Joko bikaina eginda, Gasteizko taldea nagusi izan da partida osoan, eta Made Urietaren neskek atzean utzi dute emaitza bolada txarra, mailari eusteko helburuari heltzeko asmoz.
Lointek Gernika Bizkaiak, bestalde, Femxa Zorka gainditu du (54-57). Joan-etorriko partidan, gernikarrek partzial bikaina eskuratu dute hirugarren laurdenean, markagailuari buelta eman eta aurretik jartzeko.
Oses Construccion Ardoik, berriz, porrota jaso du Spar Gironaren aurka (86-62). Bigarren laurden txar batek eta baloiaren galerek aukerarik gabe utzi dute Zizurko taldea, eta hirugarren porrota kateatu dute, zortzigarrena azken bederatzi neurketetan.
Azkenik, IDK Euskotrenek galdu egin du Joventuten aurka (56-66). Azu Muguruzarenak ez dira inoiz eroso egon partidan, eta azken laurdenean eraso gutxi egin izanak porrota ekarri die azkenean.