13. etapa
Ezkonberri batzuek ospakizuna eten dute tropelari animoak emateko
L.E.
Telebistako kamerek bide ertzean harrapatu dute bikotea, txirrindulariak gogoz agurtzen zituzten bitartean.
Ezkonberriak, Giroko txirrindulariei animoak ematen. EiTB.
Italiako Giroak zaletasun handia pizten du hainbat pertsonarengan, eta gutxi dira lasterketa gertu izan eta errepidera hurbiltzen ez direnak txirrindulariak aurrez aurre ikusteko.
Bada, gainera, euren zaletasuna muturrera eramaten dutenak. 13. etapan, telebistako kamerek bikote ezkonberri bat harrapatu dute bide ertzean zegoen jendetzaren artean, txirrindulariei animoak eman eta agur egiten.