12. etapa
Italiako Giroa: Filippo Pozzatok lortu du garaipena
Andoni Beldarrain
Erredakzioa
Lasterketa buruan iritsi den taldetxoan Vinokourov, Nibali, Basso eta Scarponi egon dira besteak beste. Sastre eta Evans tropelean iritsi dira hamar segundora. Richie Portek jarraitzen du lidergoan.
Italiako txapelduna den Filippo Pozzatok (Liquigas) irabazi du Italiako Giroaren 12. etapan eta Richie Portek lidergoa mantendu du.
Citta Sant Ang eta Recanati arteko etapa honek 206 kilometro izan ditu eta denetarik izan du. 25 kilometroan Rabobak taldeko Flensek jo du erasoa eta ondoren Kaisen (Omega Pharma-Lotto) eta Krivtsov (AG2R) batu zaizkio. Lasterketa buruan ibili dira hiru hauek kilometro askoan zehar, baina tropelak helmugarako 13 kilometroren faltan harrapatu ditu.
Kilometro gutxi geroago helmugatik hamar bat kilometrora zegoen hirugarren mailako Potenza Picena mendatea igo behar izan dute txirrindulariek. Garzellik eta Scarponik sua piztu dute tropelean erasoa jota eta faborito askok erantzuna eman diote eraso horri. Hortaz, sailkapen nagusiko jende garrantzitsua zegoen taldea sortu da lasterketa buruan: . Vinokourov, Nibali, Basso, Pozzato, Garzelli, Cunego, Scarponi, Pinotti, Pineau, Voeckler, Failli eta Bisolt txirrindulariak bat eginik iritis ziren helmugara. Azken metroetan Pozzatok garaipena lortu zuen Tomas Voeckler eta Jerome Pineau esprintean gaindituz.
Tropelean geratu ziren Sastre, Tondo eta Cadel Evans besteak beste eta lehen multzotik hamar segundora iritsi ziren. Beraz, Evans izan da etapa honetako galtzaile nagusia.
12. etapako sailkapena:
1. Filippo Pozzato (Katusha) 5:15:50
2. Thomas Voeckler (Bouygues) d.b.
3. Jerome Pineau (Quick Step) d.b.
4. Stefano Garzelli (Acqua e Sapone) d.b.
5. Alexandre Vinokourov (Astana) d.b.
6. Vincenzo Nibali (Liquigas) d.b.
7. Marco Pinotti (Team HTC-Columbia) d.b.
8. Michele Scarponi (Androni) d.b.
9. Damiano Cunego (Lampre) d.b.
10. Ivan Basso (Liquigas) d.b.
11. Robbie McEwen (Katusha) d.b.
Sailkapen nagusia:
1. Richie Porte (Saxo Bank) 50:46:16
2. David Arroyo (Caisse d''Epargne) + 1:42
3. Robert Kiserlovski (Liquigas) + 1:56
4. Xavier Tondo (Cervélo) + 3:54
5. Valerio Agnoli (Liquigas) + 4:41
6. Alexander Efimkin (AG2R) + 5:16
7. Linus Gerdemann (Milram) + 5:34
8. Carlos Sastre (Cervélo) + 7:09
Horrela bizi izan dugu Italiako Giroko 12. etapa eitb.com