Bosgarren etapa
Italiako Giroa: Ikuskizun handia eta Weening garaile 5. etapan
A.B.
Erredakzioa
Kholer suitzarra ihes eginda ibili eta jardunaldiko protagonista izan da. Etapako irabazlea da sailkapen nagusiko lider berria.
Rabobank taldeko Pieter Weeningek irabazi du Italiako Giroko bosgarren etapa. Piombino eta Orvieto artean burutu da 201 kilometroko etapa hau. Gainera, Weening sailkapen nagusiko lider berria da.
Eguneko beste protagonistetako bat BMC taldeko Kohler txirrindularia izan da. Etapako hamabigarren kilometroan ihes egin du tropeletik eta helmugarako 12 kilometro falta zirenean harrapatu dute atzetik zetozen Gadretek eta Weeningek. Geroago, Weeningek jo du erasoa eta ihes eginda eta lehen postuan gurutzatu du helmuga. Garaipen honekin maglia arrosa ere eskuartu du Weeningek. Bigarren postua Fabio Duarterentzat (Geox-TMC) izan da eta Jose Serpak (Androni) bukatu du hirugarren. Bi txirrindulari hauek faborito nagusiak zeuden tropelean iritsi ziren garailearengandik zortzi segundora. Tropel horretan iritsi ziren besteak beste honako txirrindulari hauek: Vincenzo Nibali (Liquigas-Cannondale), Alberto Contador (Saxo Bank-SunGard), Michele Scarponi (Lampre-ISD), Joaquim Rodríguez (Katusha), Roman Kreuziger (Astana), Steven Kruijswijk (Rabobank), Thomas Lovkvist (Sky), Marco Pinotti (HTC-Highroad), Kanstantin Siutsou (HTC-Highroad), Stefano Garzelli (AcquaSapone) eta Denis Menchov (Geox-TMC).
Bosgarren etapa honek denetarik izan du, baita erorikoak ere. Helmugarako 32 kilometro falta zirenean ondoriorik gabeko erorikoa izan zen tropelean eta helmugarako 13 kilometroren faltan Slagterrek (Rabobank) eroriko larria izan zuen.
5. etapako sailkapena:
.1. Pieter Weening (HOL) Rabobank 4:54:49
.2. Fabio Duarte (COL) Geox + 8 seg.
.3. Jose Serpa (COL) Androni d.b.
.4. Christophe Le Mevel (FRA) Garmin d.b.
.5. Oscar Gatto (ITA) Farnese Vini d.b.
.6. Vincenzo Nibali (ITA) Liquigas d.b.
.7. Alberto Contador (ESP) Saxo Bank d.b.
.8. Michele Scarponi (ITA) Lampre d.b.
.9. Joaquim Rodriguez (ESP) Katusha d.b.
10. Roman Kreuzinger (CZE) d.b.
Sailkapen nagusia:
.1. Pieter Weening (HOL) Rabobank 14:59:33
.2. Marco Pinotti (ITA) HTC + 02 seg
.3. Kanstantsin Sivtsov (BLR) HTC d.b.
.4. Christophe Le Mevel (FRA) Garmin + 05
.5. Pablo Lastras (ESP) Movistar + 22
.6. Vincenzo Nibali (ITA) Liquigas + 24
.7. Michele Scarponi (ITA) Lampre + 26
.8. Steven Kruijswijk (HOL) Rabobank + 28
.9. Alberto Contador (ESP) Saxo Bank + 30
10. Jose Serpa (COL) Androni + 33
&' || 'nbsp;
&' || 'nbsp;