Mikel Landa eta Pello Bilbao, Team Bahraineko zortzikoan

Team Bahrain Victorious taldeak 2021eko Italiako Giroan parte hartuko duten txirrindularien behin betiko zerrenda iragarri du gaur goizean, tartean Mikel Landa eta Pello Bilbao.

Hasira batean Landa da taldeko gizon indartsuena eta sailkapenean postu on bat egiteko deituta dagoen ziklista. Hala eta guztiz ere, Pello Bilbaoren abagunea ere badute, gernikarrak iaz Giro bikaina egin zuen, bosgarren geratu zen nahiz eta Frantziako Tourrean lan handia egin urte berean.

Honako hau da Bahrainen talde osoa: Yukiya Arashiro, Pello Bilbao, Damiano Caruso, Mikel Landa, Gino Mäder, Matej Mohoric, Rafa Valls eta Jan Tratnik.