Zuzenean eitb.com-en

Larunbat honetan hasiko da 2012ko Italiako Giroa

Erredakzioa

Azken eguneratzea: 2012/05/02 13:16 (UTC+2)

95. edizioa izango du lasterketa italiarrak. Maiatzaren 5ean hasi eta hilabate bereko 27an bukatuko da. eitb.com-ek etapa guztiak zuzenean eskainiko ditu.

Italiako errepideek goi mailako txirrindularitzaz gozatzeko aukera izango dute. Argazkia: EFE

Larunbat honetan, maiatzaren 5ean, hasiko da 2012ko Italiako Giroa eta lasterketa italiar honek 95. edizioa beteko du aurten. eitb.com-ek etapa guztiak zuzenean eskainiko ditu.

Danimarkako Herning herrian hasiko da Giroa eta maiatzaren 27an bukatuko da Milanen. Maiatzaren 8a eta 21a izango dira atseden egun bakarrak.

Michele Scarponi, Ivan Basso, Frank Schleck, Joaquim Rodrguez, Damiano Cunego eta Roman Kreuziger txirrindularien izenak azaltzen dira fabotritoen artean. Hala ere, lasterketa luze hauetan beti egoten da ezustekoren bat edo beste. Hortaz, ezin daitezke ahaztu, Ryder Hesjedal, Rigoberto Uran edo John Gadret bezalako txirrindulariak.

Euskaltel-Euskadi taldeak parte hartuko du Italiako Giroan eta Mikel Nieve izango du taldeburu. Talde laranjak honako bederatzikotea eramango du Girora: Mikel Nieve, Amets Txurruka, Juanjo Oroz, Ivan Velasco, Miguel Minguez, Ion Izagirre, Pierre Cazaux, Victor Cabedo eta Adrian Saez de Arregi.

Bestalde, aipatu beharreko da beste euskal txirrindulari bat ere taldeburua izango dela Italiako Giro honetan. Beñat Intxausti izango da Movistar Teameko liderra itzuli italiarrean.

2012ko GIROAren etapak eta profilak:

1. etapa: Herning-Herning, 8,7 km

2. etapa: Herning-Herning, 206 km

3. etapa: Horsens-Horsens, 190 km

Maiatzaren 8an atseden eguna

4. etapa: Verona-Verona, 32,2 km

5. etapa: Modena-Fano, 199 km

6. etapa: Urbino-Porto Sant'Elpidio, 207 km

7. etapa: Recanati-Rocca di Cambio, 202 km

8. etapa: Sulmona-Lago Laceno, 229 km

9. etapa: San Giorgio-Frosinone, 171 km

10. etapa: Civitavecchia-Assisi, 187 km

11. etapa: Assisi-Montecatini Terme, 243 km