10. etapa
Joaquim Rodriguezek etapa eta lidergoa lortu ditu Asisen
Erredakzioa
Katusha taldeko txirrindulariak Huzarski (NetApp) eta Visconti (Movistar) gainditu ditu eta Ryder Hesjedali 'maglia' arrosa kendu dio.
Your browser doesn’t support HTML5 video
Joaquim Rodriguezek (Katusha) ‘maglia’ arrosa jantzi du Italiako Giroan bere aurreneko garaipena eskuratuta. ‘Purito’ azkarrena izan da Asiseko azkeneko igoeran eta garaipen paregabea eskuratu du Bartosz Huzarskiren (NetApp) eta Giovanni Viscontiren (Movistar) aurretik.
Helmugan lortutako 20 segundoko sariak lidergoa eman dio Rodriguezi eta Ryder Hesjedal (Garmin-Barracuda) 17 segundora jarri da orain sailkapen orokorreko bigarren postuan. Hirugarren Paolo Tiralongok jarraitzen du 32 segundora eta laugarren eta bosgarren, denbora berdinean, Roman Kreuziger (Astana) eta Beñat Intxausti (Movistar) daude 52 segundora.
Ryder Hesjedalek 9 segundoko aldearekin hasi du hamargarren etapa, baina Kanadako txirrindulariak bazekien ‘Purito’rentzat oso egokia zela helduera eta Kataluniakoak ez du hutsik egin azkeneko igoeran.
Eguneko ihesaldian Miguel Minguez (Euskaltel-Euskadi) hirugarren aldiz sartu da. Hala ere Katushak ederki kontrolatu du etapa eta helmugatik 7 kilometrora tropelak iheslariak jan ditu.
10. etapa:
1. Joaquim Rodriguez (Katusha) 4:25:02
2. Bartosz Huzarski (NetApp) + 2
3. Giovanni Visconti (Movistar Team) d.b.
4. Domenico Pozzovivo (Colnago CSF Bardini) + 6
5. John Gadret (Ag2r) d.b.
6. Ryder Hesjedal (Garmin-Barracuda) d.b.
7. Tom-Jelte Slagter (Rabobank) d.b.
8. Dario Cataldo (Omega Pharma-Quick Step) d.b.
9. Roman Kreuziger (Astana) d.b.
10. Rigoberto Uran (Sky) d.b.
11. Gianluca Brambilla (Conlnago CSF Bardini) d.b.
12. Beñat Intxausti (Movistar Team) d.b.
13. Sergio Luis Henao (Sky) d.b.
14. Paolo Tiralongo (Astana) d.b.
15. Ivan Basso (Liquigas-Cannondale) d.b.
Sailkapen orokorra:
1. Joaquim Rodriguez (Katusha) 40:27:34
2. Ryder Hesjedal (Garmin-Barracuda) + 17
3. Paolo Tiralongo (Astana) + 32
4. Roman Kreuziger (Astana) + 52
5. Beñat Intxausti (Movistar Team) d.b.
6. Ivan Basso (Liquigas-Cannondale) + 57
7. Damiano Caruso (Liquigas-Cannondale) + 1:02
8. Dario Cataldo (Omega Pharma-Quick Step) + 1:03
9. Eros Capecchi (Liquigas-Cannondale) + 1:09
10. Rigoberto Urán (Sky) + 1:10
11. Michele Scarponi (Lampre-ISD) + 1:11
12. Domenico Pozzovivo (Colnago CSF Bardini) + 1:12
13. Frank Schleck (RadioShack-Nissan) + 1:25
14. Sergio Luis Henao (Sky) + 1:27
15. Damiano Cunego (Lampre-ISD) + 1:37