Maiatzak 24, asteazkena
Italiako Giroaren 17. etaparen profila eta ibilbidea: Pergine Valsugana - Caorle (195 kilometro)
EITB MEDIA
Trantsizio-etapa izango da, ia guztia beheranzko maldarekin eta 300 metroko desnibelarekin aurkezten baita.
2023ko Italiako Giroko 17. etaparen profila. Argazkia: giroditalia.it.
Giroko azken astean dauden hiru etapa menditsuetako lehena behin atzean utzita, maiatzaren 24an 2023ko Italiako Giroko hamazazpigarren etapa jokatuko da, Pergine Valsuganan hasi eta Caorlen amaituko den 195 kilometroko jardunaldian. Ondobidean, trantsizio-etapa izango da, ia ibilbide guztiak beheranzko joera baitauka.
Mendaterik gabeko etapa honek ez die inolako erronkarik ekarriko txirrindulariei. Gainera, ibilbideak bihurgune askorik ere ez du, errepide zuzen eta luzeko tarte asko dituen jardunaldia baita. Beraz, abenturazalek lan zailak izango dituzte tropelaren kontrolpetik hanka egin eta ihesaldiak antolatzeko, esprinterrentzako azken aukeratako bat izango baita.
Lasterketa zuzen-zuzenean ikusi ahalko da EITBn, ondorengo ordutegietan: eitb.eus-en, etapa oso-osorik ikusteko aukera izango da, 12:40tik aurrera; ETB4k 14:30etatik 15:10era egingo du bat seinalearekin, eta, ohi legez, telebistako emanaldiak ETB1en jarraituko du 15:10etik etapa amaitu arte.
Ikusi 16. etaparen profila | Ikusi 18. etaparen profila
FITXA TEKNIKOA:
Etapa: 17. etapa (maiatzak 24)
Ibilbidea: Pergine Valsugana – Caorle
Distantzia: 195 km
Goranzko desnibel metatua: 300 m
Hasiera-ordua: 12:50
Amaiera-ordua: 16:57 (47 km/h) | 17:08 (45 km/h) | 17:20 (43 km/h).
Mendiko saria: Ez dago.