Asteartea, maiatzak 7
Italiako Giroko laugarren etaparen profila, ibilbidea eta ordutegiak: Acqui Terme–Andora (187 km)
EITB MEDIA
Esprinterrentzako aukera aproposa. Azken 800 metroak lauak dira, eta bukaeran, etapak 650 metroko zuzengunea du.
Italiako Giroko laugarren etaparen profila. Irudia: giroditalia.it
Maiatzaren 7an, asteartea, Italiako Giroaren laugarren etapa jokatuko da. Abiapuntua Acqui di Termen izango du eta bukaera Andoran, 187 kilometroko ibilbidea eginda. Tartean mendate bakarra izango dute, Colle Melogno, helmugatik urrun, 100 kilometrora.
Txirrindulariak 12:35ean abiatuko dira eta iritsiera 17:00etarako aurreikusita dago (abiadura azkarrenean) eta 17:28etarako abiadura motelenean.
Etapa laua izendatu badute ere, lehenengo kilometroek nolabaiteko zailtasuna dute. Tropelak Val Bormida eta Apeninoak gurutzatuko ditu kostaldera iritsi aurretik. Melogno igotzean 1.000 metrora iritsiko dira; ondoren, Savonara jaitsiko dira Cadibona muinotik. Hortik ibilbidea laua da Andorako helmugaraino.
Bitxikeria gisa, jaitsiera horrek Milano-Sanremo klasiko ospetsuaren ibilbide bera du.
Azken hiru kilometroetan, errepidea bihurgunetsua da Andorara iritsi arte. Azken 800 metroak ia guztiz zuzenak dira, eta bukaeran 650 metroko zuzengunea izango dute, 8 metroko zabalerarekin, esprinta jokatzeko ezin egokiagoa.
2024ko Italiako Giroko laugarren etapa zuzenean ikus daiteke, osorik, 12:20ean, eitb.eus-en; 14:30etatik aurreraETB4n eta 15:00etatik aurrera ETB1en.
ETAPAREN PROFILA
FITXA TEKNIKOA
Etapa: 4. etapa (maiatzak 7)
Ibilbidea: Acqui Terme - Andorra
Distantzia: 190 km
Goranzko desnibel metatua: 1.700 m
Hasiera-ordua: 12:35
Amaiera-ordua: 17:00 (43 km/h) | 17:14 (41 km/h) | 17:28 (39 km/h).
Mendiko saria: Colle del Melogno (3. mailakoa), 88,1. kilometroan.
AZKEN KILOMETROA