'Classicissima'
Euskaltel-Euskadi, Milano San Remo probarako prest
Erredakzioa
Gorka Izagirre gipuzkoarra izango da taldeko liderra Italiako proba klasikoan. Gainera, talde laranjak GP Nobili Rubinetterie lasterketan parte hartuko du, aurrenekoz.
Gorka Izagirre. Argazkia: EFE
Euskaltel-Euskadi Italian dago UCI Pro Tour egutegiko hurrengo probak prestatzen, eta talde laranjak Milano San Remon, martxoaren 17an, parte hartuko duten txirrindulariak aukeratu ditu. Gorka Izagirre gipuzkoarra taldeko lider nagusia izango da.
Izagirrerekin batera, Egoi Martinez, Garikoitz Bravo, Miguel Minguez, Jorge Azanza, Robert Vrecer, Ioannis Tamouridis eta Ricardo Garcia egongo dira.
Gainera, Euskaltel-Euskadik aurrenekoz parte hartuko du Nobili Rubinetterie Sari Nagusian, martxoaren 14an. Proban Mikel Landa, Egoi Martinez, Ricardo Garcia, Ioannis Tamouridis, Miguel Minguez, Jorge Azanza, Garikoitz Bravo eta Robert Vrecer iazko bigarren sailkatua egongo dira.